• Formulario de Solicitude de praza na Escola Infantil Municipal (obrigatorio cumplimentar e asinar). Dende o 9/04/2026 ao 18/04/2026.
• Libro de familia ou, no seu defecto, outro documento que acredite oficialmente a situación familiar.
• Copia do DNI da nai, do pai ou titor/a legal.
• Título de familia numerosa.
• Certificado acreditativo de familia monoparental.
• Acreditación de parto múltiple.
• Acreditación de que algún membro da unidade familiar teña recoñecido discapacidade ou enfermidade que requira internamento periódico.
• Acreditación, se fose o caso, de que a persoa solicitante sexa deportista de alto nivel ou de alto rendemento deportivo, ou teña a condición de adestradora, técnica, xuíz/a ou árbitro/a de alto nivel deportivo recoñecido pola Comunidade Autónoma de Galicia.
• No caso de tener a residencia noutro municipio, certificado de empadroamento colectivo.
• No caso de separación ou divorcio e nulidade matrimonial, acreditación de dita circunstancia, con expresión do réxime de visitas. Última nómina de cada un dos membros da unidade familiar en activo. No caso de  traballadores autónomos presentarase o xustificante do último ingreso a conta trimestral presentado.
• No caso de que un ou varios dos membros da unidade familiar non teñan ocupación laboral, presentarán unha certificación do INEM, ou do organismo autonómico correspondente, que acredite a situación de desemprego ou de percepción, ou non, de prestacións por aquel concepto.
• No caso de persoas que tivesen presentada a declaración do Imposto sobre a Renda das persoas físicas (IRPF): declaración do imposto sobre a renda das persoas físicas da unidade familiar. En caso de declaracións individuais, presentarán unha copia da declaración de cada membro da unidade familiar obrigado a declarar.  Os solicitantes da devolución rápida, presentarán unha copia da comunicación que lles remitirá a Axencia Estatal de Administración Tributaria (AEAT) en aplicación do Texto Refundido 3/2004 da Lei do Imposto sobre a Renda das persoas físicas.
• No caso de persoas que non tivesen presentada a declaración do imposto sobre a renda das persoas físicas (IRPF): As persoas non obrigadas a declarar e que non solicitaran a devolución rápida, presentarán a certificación dos datos existentes na Administración, que expide a Axencia Estatal da Administración Tributaria e certificado de empresa. Informe social naqueles casos nos que, por distintas razóns, non se poidan acreditalas rendas dos pais con escasos recursos.
• No caso de ser perceptor de RISGA, acreditalo mediante resolución emitida pola Consellería de Política Social.
• Declaración xurada de que a situación económica e laboral dos membros da unidade familiar segue sendo a mesma, no momento da solicitude de ingreso na Escola Infantil Municipal que na data que consta na declaración a renda ou certificado equivalente. Se a situación cambiou, deben acompañarse documentos que o certifiquen ou no seu caso, declaración xurada explicando a nova situación.
• A renda neta per cápita familiar obterase como resultado de realizar os seguintes cálculos en base á declaración da renda do exercicio 2024.
  • Sumarase a base impoñible xeral coa base impoñible do aforro. 2. Deste resultado restarase a cota líquida.
  • Segundo isto, a renda familiar para os efectos é o resultado da facer as seguintes operacións coa declaración do IRPF: casiña 435 + casiña 460 – casiña 595 =X
  • O resultado obtido dividirase polo número de membros que forman parte da unidade familiar.

No caso de que a solicitude non reúna os requisitos esixidos, o  Concello requirirá ao interesado para que nun prazo de 10 días naturais, emende a falta ou xunte os documentos necesarios, con indicación de que, si así non se fixese, se terá por desestimada a súa petición arquivándose sen máis trámite.

A selección das solicitudes efectuarase en función da puntuación acadada segundo o baremo que determine en cada momento a Consellería correspondente da Xunta de Galicia, mediante o que se avaliarán os factores sociofamiliares, laborais e económicos da unidade familiar. Este baremo pode consultarse no DOG número 50 do 16 de marzo de 2026. Se existise empate tras a aplicación do baremo, a orde determinarase segundo o número de rexistro de entrada da solicitude no Concello de Padrón.