Castellano
Detalle trámite
O procedemento de "solicitude de certificado de empadroamento" regula a concesión, por parte do Concello, do certificado acreditativo dos datos persoais e domicilio, segundo constan no padrón de habitantes do municipio.
O cidadán poderá escoller o tipo de certificado que necesita, segundo a seguinte clasificación:
- Certificado de Empadroamento Individual
- Certificado de Empadroamento Colectivo
- Certificado de Empadroamento Histórico
- Certificado de Empadroamento Negativo Individual
- Certificado de Empadroamento Histórico Colectivo
O Certificado Individual, o Certificado Histórico e o Certificado Negativo Individual xéranse de forma automática tras a solicitude polo que poden descargarse no momento.
Os certificados colectivos, en cambio, serán tramitados polo Concello como calquera outra solicitude telemática.
Para solicitar o Certificado de Empadroamento dun menor que careza de Documento Nacional de Identidade, deberá utilizar a Solicitude Xeral e explicar esta circunstancia no EXPOSICIÓN/SOLICITUDE.
Calquera persoa física que desexe obter un certificado de empadroamento.
Preferentemente de forma telemática a través do botón "Iniciar trámite". Se o interesado non utiliza a vía telemática, poderá descargar o impreso ou impresos dende esta páxina ou acudir ao rexistro do Concello, onde lle facilitarán o dito impreso/s normalizado/s para presentar.
- Solicitude de certificado de empadroamento.
- Documentación acreditativa do parentesco. En caso de menores ou de persoas falecidas, deberase achegar documentación acreditativa do parentesco: libro de familia, declaración de herdeiros,etc.
- Para os certificados colectivos, é indispensable acompañar (para cada un dos maiores de idade incluídos na folla padronal) a seguinte autorización (descarga). Excepción: De conformidade co art. 19.4 do Real Decreto-lei 20/2020, do 29 de maio, polo que se establece o ingreso mínimo vital, cando o certificado se solicita para ese efecto, non se requirirá o consentimento das persoas empadroadas no domicilio do solicitante.
- Xustificante de pago de taxas segundo a/as ordenanza/s vixente/s. (ver)
- Aprobación do selo electrónico de órgano e regulación de actuacións administrativas automatizadas no Concello de Padrón.
- Ordenanza fiscal reguladora da taxa por expedición de documentos administrativos.
- Lei 7/1985, de 2 de abril, Reguladora das Bases do Réxime Local.
-
Resolución do 29 de abril de 2020, da Subsecretaría, pola que se publica a Resolución do 17 de febreiro de 2020, da Presidencia do Instituto Nacional de Estatística e da Dirección Xeral de Cooperación Autonómica e Local, pola que se ditan instrucións técnicas aos Concellos sobre a xestión do Padrón municipal.
-
Real Decreto 2612/1996, do 20 de decembro, polo que se modifica o Regulamento de Poboación e Demarcación Territorial das Entidades Locais aprobado polo Real Decreto 1690/1986, do 11 de xullo.
Nome: Solicitude de certificado de empadroamento.
Unidade tramitadora: Secretaría.
Inicio do procedemento: A instancia de parte.
Tipo de interesado: Persoa física.
Órgano de resolución: Alcaldía.
Carácter silencio administrativo: Silencio positivo.
Prazo de execución: 3 meses.
Recurso aplicable: Potestativo de reposición / Contencioso - administrativo.
Taxas/Impostos: Ver a ordenanza fiscal reguladora da taxa por expedición de documentos administrativos.
Canles de atención: Telemático (Iniciar trámite).
Presencial.
